بحـث
 
 

نتائج البحث
 

 


Rechercher بحث متقدم

المواضيع الأخيرة
» العين و الحسد في حياة الابراج
قصة وصال وغسان في منتهى الروعة الجزء 31 Emptyاليوم في 21:30 من طرف Davoo

» نقطه ضعف كل برج
قصة وصال وغسان في منتهى الروعة الجزء 31 Emptyاليوم في 21:28 من طرف Davoo

» فرحو الجواد يفرحوكم
قصة وصال وغسان في منتهى الروعة الجزء 31 Emptyاليوم في 21:24 من طرف Dallal mahmoudi

» الي عندهم شرويطه قديمه
قصة وصال وغسان في منتهى الروعة الجزء 31 Emptyاليوم في 21:19 من طرف Lalamolatizwina

» لبارح عطاتي لفقيه شمعة لقيتها موجودة هنابالمنتدى
قصة وصال وغسان في منتهى الروعة الجزء 31 Emptyاليوم في 21:17 من طرف safinaz12

» شمعة تخلي يماه ينسى النعاس
قصة وصال وغسان في منتهى الروعة الجزء 31 Emptyاليوم في 21:16 من طرف safinaz12

» وصفة الشمع بالعرعار عند معكس ليا كولشي
قصة وصال وغسان في منتهى الروعة الجزء 31 Emptyاليوم في 21:15 من طرف safinaz12

» خرقة زوينه وساهلة من عند معكس ليا كولشي
قصة وصال وغسان في منتهى الروعة الجزء 31 Emptyاليوم في 21:15 من طرف Lalamolatizwina

» لاصحاب ضيق تنفسي وحساسية الصدر
قصة وصال وغسان في منتهى الروعة الجزء 31 Emptyاليوم في 21:09 من طرف Davoo

» الهالة او الغشاء النوراني المحيط بجسم الانسان
قصة وصال وغسان في منتهى الروعة الجزء 31 Emptyاليوم في 21:07 من طرف Sara 6

» لعبة ثلاثة اشياء
قصة وصال وغسان في منتهى الروعة الجزء 31 Emptyاليوم في 21:07 من طرف فدوى

» أحسن ثاني تفوسيخة فالعالم من بعد الصحراوية
قصة وصال وغسان في منتهى الروعة الجزء 31 Emptyاليوم في 21:06 من طرف ليلى نسيم

» اللي كيفهم فتفسير الاحلام يفسر لية
قصة وصال وغسان في منتهى الروعة الجزء 31 Emptyاليوم في 21:06 من طرف جريحة الزمان

» لعبة الدول
قصة وصال وغسان في منتهى الروعة الجزء 31 Emptyاليوم في 21:06 من طرف فدوى

» اختر اسم والي بعدك ...
قصة وصال وغسان في منتهى الروعة الجزء 31 Emptyاليوم في 21:05 من طرف فدوى


قصة وصال وغسان في منتهى الروعة الجزء 31

استعرض الموضوع السابق استعرض الموضوع التالي اذهب الى الأسفل

اعلان قصة وصال وغسان في منتهى الروعة الجزء 31

مُساهمة من طرف لالة شمس الضحى في 29/11/2015, 23:15

كنت حاطة يدي على راسي وكنتنفس بجهد, تسالات الذكرى, وخلاتني عامرة تساؤلات..كنحاول نفهم..دموعي هابطين وأنا ما قادراش نتيق..شاربة؟ ناعسة مع واحد ففراشو ومخلية بابا كيقلب عليا فالليل؟ يا ربي آش هاد شي؟ هادي ماشي شخصيتي..انا منقدرش ندير هاد شي..يا ربي عليها "غسان" حاقد عليا..كيظن بلي أنا خنتو مع واحد آخر.."عمران", شكون هاد "عمران"؟ و"ضحى", علاش عندي إحساس بلي هي عندها يد فهاد شي..نضت من على الكرسي وأنا باقة شادة فراسي لي كان بدا كيخفاف عليه الصداع من بعد ما تسالات الذكرى, رجعت كلشي لبلاصتو, خرجت من غرفة المكتب وطلعت لبيتي وتكيت بلاصتي وأنا كنحاول نرتب أفكاري..وفالنهاية وصلت لقرار واحد..خاصني نتلاقا "ضحى", من عندها كيبدا كلشي..وهي لي غادي نعرف من عندها الحقيقة.. كانت الخمسة ديال العشية ملي رجع "غسان" للدار, لقاني متكية فالبيت, جا حدايا وحط يدو على وجهي, حيدلي شعري من على عيني وباسني فجبهتي وأنا مازالة كنتساءل..علاش تزوج بيا وهو كيعتقد بلي أنا خائنة..شفت فيه وسولتو على "سعاد", قالي بلي راها بخير والحالة ديالها مستقرة, قالي:"واش تغذيتي؟", جاوبتو:"لا ماكانش فيا الجوع, وانتا؟", "حتا أنا ما تغذيتش, يلاه نوضي ناكلو شي حاجة باش نمشيو يلا كنتي باقة باغة تمشي للسبيطار", قلتلو:"واخا", نضنا هبطنا وجلسنا ناكلوا, واخا ما عندنا شهية, بقا "غسان" كيشوف فيا, ربما لاحظ بلي باكية, سولني:"واش تفكرتي شي حاجة تاني؟", سعلت, وشربت كاس ديال الما, جاوبتو:"لا والو, غير عيانة شويه و صافي", هز راسو وهو ما مقتانعش, وقالي:"غير تبرا الواليدة وترجع للدار, غادي تكون عندنا واحد الجلسة مع بعضياتنا, خاصنا نهضرو مزياااااان", هزيت راسي موافقة, عندو الحق, خاص النقاط يتحطو على الحروف, انا ما بقيت قادة على غموض.. سالينا الماكلة, ونضنا باش نمشيو للسبيطار..لقيت "مينا" وجداتلي "ندى" ولبستها باش نديها معايا, ركبت فالطوموبيل لور على ودها, بقا كيشوف فيا "غسان" فالمراية..تفكرت نهار لي جيت معاه أول مرة..ولكن هاد المرة ما حنيتش راسي..حتى أنا بادلتو النظرات ديالو, انا ما بقيتش ضعيفة وخايفة بحال اللول, حيت عرفت شحاااال من حاجة..ومازالة نعرف..وصلنا للمصحة..دخلنا..وصلنا للغرفة لي فيها "سعاد" وسمعنا شي هضرة لداخل, قبل ما نفتحو الباب آخر جملة سمعتها هي:"يعلم الله آ خالتي بلي كنت بغيت نكون عروستك, ولكن..ما كتابش", قبل ما ندخل عرفتها شكون..وشكون من غيرها اللفعة؟ حليت الباب , دورت وجهها وشافت فينا..وجهها حمر..شافت واحد شوفة ف"غسان" شعلات فيا العافية بلا دخان, وخنزرات فيا..قربت لعند "غسان" وقالتلو وهي كتحلون:"الحمد لله فسلامة ماماك آ غسان,عرفتي تخلعنا عليها بزاف, راها بحال الواليدة ديالي", كون كانوا النظرات كيقتلوا كون راها غارقة فدماياتها دابا, سلمات عليا بالنفخة وأنا كنحاول نسيطر على الغيرة المفاجئة اللي حسيت بيها, سمعتها كتقولي فودني بصوت هامس سمعتو غير أنا:"متفرحيش بزاف, كيف ما خليتو يتخلى عليك من قبل, غادي نعاود نديرها, هادي ضحى وأجرك عالله" وضحكاتلي فوجهي وخرجات وخلاتني مصدومة..دابا تأكدت..هي راس الحربة..هي سبابي فهاد شي لي داز عليا كامل..ولكن لا..ماخاصش هاد شي يضعفني..بلعت ريقي وشفت ف "غسان" لي كان كيشوف فيا بشك وقلت بيني وبين نفسي:"نتي لي دمرتيلي حياتي,ونتي لي غترجعيهالي, بحلوفي حتى غادي ترجعيها.......
لالة شمس الضحى
لالة شمس الضحى
هيموني جديد
هيموني جديد

عدد المساهمات : 99
تاريخ التسجيل : 16/10/2015
قصة وصال وغسان في منتهى الروعة الجزء 31 Empty

الرجوع الى أعلى الصفحة اذهب الى الأسفل

اعلان رد: قصة وصال وغسان في منتهى الروعة الجزء 31

مُساهمة من طرف زين الحلوة في 11/11/2018, 01:16

شكرا
زين الحلوة
زين الحلوة
هيموني فوق السحاب
هيموني فوق السحاب

انثى
برج : الدلو
عدد المساهمات : 7939
العمر : 30
تاريخ التسجيل : 21/04/2014
يمنح للأعضاء المتجاوزين 5 ألاف مشاركة في المنتدى
قصة وصال وغسان في منتهى الروعة الجزء 31 Empty

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى