بحـث
 
 

نتائج البحث
 

 


Rechercher بحث متقدم

المواضيع الأخيرة

قصة وصال وغسان في منتهى الروعة الجزء 30

استعرض الموضوع السابق استعرض الموضوع التالي اذهب الى الأسفل

حصرى قصة وصال وغسان في منتهى الروعة الجزء 30

مُساهمة من طرف لالة شمس الضحى في 29/11/2015, 23:14

داك النهار دوزتو و أنا حاسة بملل ما فهمتوش, حاولت نعمر وقتي بختي, دوشتلها وبدلتلها..لعبت معاها..خرجتها جلسنا فالجردة..حتى عيات ونعسات..شديت التلفزة عييت نقلب على شي حاجة ندوز بيها الوقت ووالو..تفكرت..اليوما كانت غتكون عندي أول جلسة ديال التنويم المغناطيسي..كانممكن ليوم نعرف شي حاجة..ولكن..يمكن ما فيها خير..طاحت عليا واحد الفكرة..ونفذت بلا تفكير..نزلت نيشان للمكتب..لقيتو محلول ثاني..ياه..عندي الزهر..دخلت وسديت عليا الباب..مشيت للمكتبة..بحالا شي قوة خفية كتحركني..مديت يدي للكتاب لي لقيت تحت منو الساروت..عنوان الكتاب "الأسودة يليق بك", للكاتبة "أحلام مستغانمي", كنحس بلي عندي قصة مع هاد الكتاب..جلست على الكرسي ديال المكتب..حليت الكتاب و بديت كنقرا فيه وهو يطيح منو واحد الظرف, هزيتو..كان ثقيل..حليتو وجبدت منو مجموعة ديال الصور..ورسالة..بقيت كنشوف فديك الصور وأنا مصدومة..كانت الصور ديالي مع شي واحد..معرفتش شكون..صور ديالنا وحنا جالسين فقهوة..وحنا فطوموبيل ..وحنا فالشاطئ..مافهمتش,,شكون هذا ثاني؟ حليت الرسالة ويدي كيترعدو..بديت كنقرا:"هادي هي حبيبة قلبك لي تخليتي عليا بسبابها, ها هي ناشطة مع راسها مع واحد آخر..مع أبسط مشكل بيناتكم..بدلاتك" وشفت التوقيع لتحت.."ضحى السملالي"... يا ربي عييت بالصدمات..أنا؟ أنا خائنة ما يمكنش..يمكن فقدت ذكرياتي..ولكن أنا عارفة راسي صفة الخيانة ما فياش..أنا شامة هنا ريحة شي قالب..كاينة هنا مؤامرة..نضت بحال المجنونة..هزيت السوارت,,حليت المجورا كاملين ديال المكتب وانا كنفكر..علاش كان كيتعامل معايا "غسان" بطريقة خايبة؟..واش حيت كيظن بلي انا خنتو؟..حليت المجورا..اللول كانت فيه ديك الصورة لي شفت من قبل وشي وراق..الثاني وراق ديال الخدمة..الثالث حليتو ولقيت مذكرة..مفكرتش زوج مرات..أنا عارفة هاد شي لي كندير غلط..كنتطفل على خصوصيات الغير..ولكن هادي هي الطريقة باش نفهم..حليت المذكرة..لقيت مقطعين منها بزاف ديال الوراق..باقيين غير شي زوج لي مكتوبين فالآخر..كان تاريخ لي فيهم كيرجع لهادي 3 سنين..بديت كنقرا:"ليوما آخر نهار غادي نفكر فيه بيها..صافي كل ذكرياتي معاها قطعتهم باش مانضعفش ونرجع نقراهم..إنسانة خائنة..ما احتارمات لا الحب لي كنت عاطيهليها بلا حساب..ولا الإخلاص ديالي ليها..واخا باقي ما قادرش نتيق بلي هي لي شفتها ناعسة مع ذاك الحيوان..ما قادرش نتيق بلي رماتني من بعد مشكل بسيط وقع بيناتنا..من هاد النهار..أنا ما كنعرف حتى وحدة باسم وصال العمراني"..كنت كنقرا الورقة وبداني الصداع فراسي..ماجيت نكملها حتى كان تجهد عليا بزاف..كنحس بيه غيتفركع..مرتلي واحد الذكرى فراسي بسرعة بحال البرق.."غسان؟آش كدير هنا؟..سكتي,ما تهضريش آ الخائنة..خائنة؟ علاياش كتهدر؟فين أنا؟أويلي شنو هاد شي لابسة؟..باراكا ما تمثلي عليا,عرفتك على حقيقتك, موسخة,كان كيحسابلي كتبغيني,ساعة باغة غير الفلوس,آه عاد فهمت علاش كنتي ديما كتهربي ما باغاش نتزوجو خلاص..غسان شنو كتقول؟أنا ما فهمتش كيفاش حتى وصلت لهنا,فين هو عمران, راني كنت معاه لبارح..آه كنتي معاه, كنتي كتلعبي معاه من ورا ظهري, وبلا حيا بلا حشمة جاية بايتة معاه فدارو, ومخلية باباك مخلوع عليك الليل كامل, كون ما علماتني ضحى كن بقيت فدار غفلون..بــ بايتة معاه؟شنو كتقول؟آه راسي ضارني بزاف..آه وعاد زايداها شاربة آ الموسخة, بالحق ربي كيبغيني لي بينلي حقيقتك قبل ما ندير شي حاجة نندم عليها, من هاد النهار ما تعرفيني ما نعرفك, نساي شي واحد اسمو غسان,فهمتيني؟..غسان تسنى, راك غالط والله العظيم, انا ما فهمتش هاد شي كيفاش طرا,عافاك ما تمشيش..سكتي ومتعيطيش باسمي مرة أخرى, الله يعاونك
لالة شمس الضحى
لالة شمس الضحى
هيموني جديد
هيموني جديد

عدد المساهمات : 99
تاريخ التسجيل : 16/10/2015
قصة وصال وغسان في منتهى الروعة الجزء 30 Empty

الرجوع الى أعلى الصفحة اذهب الى الأسفل

حصرى رد: قصة وصال وغسان في منتهى الروعة الجزء 30

مُساهمة من طرف زين الحلوة في 11/11/2018, 01:17

شكرا
زين الحلوة
زين الحلوة
هيموني فوق السحاب
هيموني فوق السحاب

انثى
برج : الدلو
عدد المساهمات : 7939
العمر : 30
تاريخ التسجيل : 21/04/2014
يمنح للأعضاء المتجاوزين 5 ألاف مشاركة في المنتدى
قصة وصال وغسان في منتهى الروعة الجزء 30 Empty

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى