بحـث
 
 

نتائج البحث
 

 


Rechercher بحث متقدم

المواضيع الأخيرة
» لنجعلها صفحة استغفار
قصة وصال وغسان في منتهى الروعة الجزء التاسع Emptyاليوم في 21:16 من طرف لؤلؤة

» رجب و شعبان و لجواد
قصة وصال وغسان في منتهى الروعة الجزء التاسع Emptyاليوم في 21:16 من طرف شيبو

» مقهى منتدى هيمون
قصة وصال وغسان في منتهى الروعة الجزء التاسع Emptyاليوم في 21:16 من طرف شيبس

» الملح ومايدير جابو بزز منومجرب
قصة وصال وغسان في منتهى الروعة الجزء التاسع Emptyاليوم في 21:15 من طرف Lojine jojo

» ادخلو يا البنات الملح جابو بعد ساعتين
قصة وصال وغسان في منتهى الروعة الجزء التاسع Emptyاليوم في 21:14 من طرف Lojine jojo

» تفوسيخة مجربة تغسلي بيها
قصة وصال وغسان في منتهى الروعة الجزء التاسع Emptyاليوم في 21:14 من طرف Lojine jojo

» اذا كنتي تريدين شعرا كثيف و حريري و معالجة جميع مشاكل الشعر
قصة وصال وغسان في منتهى الروعة الجزء التاسع Emptyاليوم في 21:13 من طرف الغامض

» هاذي هي شمعة ليقلت ليك نجحات ليا نتمنى تصادفي معاها (بنت لفقييه )
قصة وصال وغسان في منتهى الروعة الجزء التاسع Emptyاليوم في 21:13 من طرف frikissa

» قبول العطر لخاوي سوقها ومعندها قبول
قصة وصال وغسان في منتهى الروعة الجزء التاسع Emptyاليوم في 21:12 من طرف Lojine jojo

» نجحت ليا الشرويطة
قصة وصال وغسان في منتهى الروعة الجزء التاسع Emptyاليوم في 21:11 من طرف frikissa

» اجعل اى حد يتصل بيك
قصة وصال وغسان في منتهى الروعة الجزء التاسع Emptyاليوم في 21:11 من طرف شيبو

» قوى وأقدم وصفة مغربية علاج الشعر الشيب وصبغه باللون الأسود اللامع ،ناجحة 100%
قصة وصال وغسان في منتهى الروعة الجزء التاسع Emptyاليوم في 21:10 من طرف الغامض

» بنات لحاجة مليكة مرحبا بكم
قصة وصال وغسان في منتهى الروعة الجزء التاسع Emptyاليوم في 21:10 من طرف مولات التاج

» الشمبوان تيخلي الشعر حرير و يعالج فروة الراس
قصة وصال وغسان في منتهى الروعة الجزء التاسع Emptyاليوم في 21:09 من طرف الغامض

» علاج التابعة من المجربات...!
قصة وصال وغسان في منتهى الروعة الجزء التاسع Emptyاليوم في 21:08 من طرف Lojine jojo


قصة وصال وغسان في منتهى الروعة الجزء التاسع

استعرض الموضوع السابق استعرض الموضوع التالي اذهب الى الأسفل

قصة وصال وغسان في منتهى الروعة الجزء التاسع Empty قصة وصال وغسان في منتهى الروعة الجزء التاسع

مُساهمة من طرف لالة شمس الضحى في الأحد 29 نوفمبر 2015, 06:14

 9 أفكاري, حممت ختي وبدلتلها ووكلتها وحطيتها تنعس وأنا غير كنفكر, باينة السيدة ماعارفاش القرار لي خذاه ولدها, يا ربي متقبلش, ياربي توقفلو فطريقو وتخليني معاهم غير مقابلة ختي بلا زواج, ما حملاهش, ما باغاش نتزوج بيه, بقيت كندعي الله يديرلي تاويل دالخير وتكيت, وما حسيتش حتى داني النعاس.. الجزء الخامس: فقت على يد رقيقة كتهزني وصوت حنين:"لالا, نوضي آ لالا باش تعشاي", نضت قافزة من بلاصتي, وقلبي كيضرب, دوزت ثواني وانا كنحاول نعرف فين أنا, تأكدت بلي ختي مازلا حدايا, عاد بديت كنتفكر, شفت فالبنت لي فيقاتني كانت كتبتاسملي, قالتلي:"سمحيليا, لالة "سعاد" قالتلي نفيقك باش تعشاي, راها 9 ليل دابا", ابتسمت ليها وقلتلها:"شكرا, امم, نتي هيا "مينا" ياك؟", "آه آ لالا أنا مينا, ولي بغيتيها غير قوليهالي وانا نوجدهاليك", عجباتني هاد "مينا", وجهها فيه واحد المودة وواحد البراءة فشكل, قلبك يتفتح ليها, قبل متخرج قالتلي:"ها حنا نتسناولك", هزيت راسي, دخلت للحمام غسلت وجهي وقاديت حالتي شوية, اما تا تبدال ما عندي باش نبدل, كاع حوايجي باقين فالبيت فين كنت ساكنة, نزلت لتحت وقلبي كيضرب وكنتمنا داك البشر ميكونش, ما حملاش نشوفو, تلاقاتني "مينا" ووراتي فين جالسين, دخلت لقيت طبلة طوييييلة, بحال داك شي دالأفلام, "سعاد" جالسة فالراس ديال الطبلة وجنبها "غسان", اف, كاين, شيراتلي نجي نجلس, وبطبيعة الحال ما ختارتلي غير الكرسي لي مقابل معاه, اف, غيقتلني بتحنزيز تاني, جلست وبدات مينة كتحط العشا, سولتني "سعاد":"رتاحيتي مزيان؟", جاوبتها:"آه آ خالتي شكرا, وكون ما فيقاتنيش مينا مكنتش نوض", ابتسمتلي وسولاتني:" وندى؟ باقة ناعسة؟", جاوبتها:"آه باقة, راها نعاسة بزاف, قليل فاش كتنوض", ضحكت وشفت فيها, لقيت عينيها تغرغروا بالدموع, قالت:"سبحان الله, بحال ماماها الله يرحمها, تا هي كانت كتحماق على النعاس", مسحت دموعها, وضحكت واحد الضحكة ديال بسيف, وقالتلي:"يالله,بسم الله آ بنتي", أنا شفت الماكلة عاد حسيت بالجوع لي كان فيا, كليت مزيان, واخا مرة مرة كانت كتوقفلي ملي كتجي عيني فعين "غسان", الطياب كان زوين, عجبني, ما هدرناش بالمرة, هاد القوم ماكيهدروش فوقت الماكلة, ماشي بحالنا حنايا ما كتحلالنا الهضرة حتى كندورو على الطبلة.. من بعد ما كملنا العشا, كنت غنستأذن نوض نطلع لبيتي, حيث يلاه تفكرت بلي ما مصلياش العصر والمغرب والعشا, يا ربي تسمح عليا كنت عيانة, يلاه بغيت نوض وهي تنوض "سعاد", قالتلي:"يلاه نمشيو لجاردة نجلسوا نشربوا قهيوة ونهدروا شوية", تبعتها, وبطبيعة الحال غسان ورايا, حاسة بنظراتوا كثقبلي ظهري, خرجنا للجردة, ظلماتها ملي سماتها جردة, هادي ماشي جردة, هادي شي حاجة أخرى ملقيتلهاش سمية, أنواع عمري مشفتهوم ديال النباتات, وشي أزهار, وداك شي مهليين فيه وعاطينوا وقتوا, وفالوسط نافورة كبيرة كطلق الما, ودايرة بالضو ملون, باختصار, بلاصة ميسخاش الواحد ينوض منها,بقيت حالة فمي ثاني, تبعت "سعاد" وجلسنا على كراسا دايرين بواحد الطبلة ثقيلة ديال الخشب, يلاه جلسنا, جابتلنا "مينا" القهوة, ذقتها, اممم بنينة بزاف, ما عمرني ذقت بحالها, عليت عيني لقيتهم بزوج كيشوفوا فيا, تنحنحت, وهي تهدر "سعاد":" يلاه هدر معايا "غسان" على القرار لي وصلتولوا, والصراحة آ بنتي أحسن قرار, "ندى" ما غتلقاش لي يتهلا فيها بحالك, وما كاينش لي يبغيها بحال خالها, غادي تكونوا نعم الأبوين ليها إن شاء الله, وأنا ولدي كنت كنتسناه امتا يتزوج خلاص, بغيت نشوف وليداتوا قبل ما نموت, وكان داير غير بالطماعات ففلوسو, صعيب تلقا بنت الناس فهاد الوقت, وأنا متوأكدة مهما قلب ماغاديش يلقا بحالك آ بنتي", هي كتهدر وانا مصدومة, القرار لي وصلنالوا؟؟
لالة شمس الضحى
لالة شمس الضحى
هيموني جديد
هيموني جديد

عدد المساهمات : 99
تاريخ التسجيل : 16/10/2015
قصة وصال وغسان في منتهى الروعة الجزء التاسع Empty

الرجوع الى أعلى الصفحة اذهب الى الأسفل

قصة وصال وغسان في منتهى الروعة الجزء التاسع Empty رد: قصة وصال وغسان في منتهى الروعة الجزء التاسع

مُساهمة من طرف زين الحلوة في السبت 10 نوفمبر 2018, 16:30

شكرا
زين الحلوة
زين الحلوة
هيموني فوق السحاب
هيموني فوق السحاب

انثى
برج : الدلو
عدد المساهمات : 7869
العمر : 30
تاريخ التسجيل : 21/04/2014
يمنح للأعضاء المتجاوزين 5 ألاف مشاركة في المنتدى
قصة وصال وغسان في منتهى الروعة الجزء التاسع Empty

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى